Bildirishnomalar

Yurist savolingizga javob berganda yoki yurist bo'lsangiz mijoz tomonidan savolga qo'shimcha qo'shilganda xabardor bo'lish uchun endi brovzer orqali bildirishnomalar olish imkoniyati qo'shildi. Buning uchun brovzer bildirishnoma yuborish uchun ruxsat so'raganda rozilik bersangiz kifoya

Shundan so'ng savolga oid biror o'zgarish bo'lganda telefoningizga yoki kompyuteringizga bildirishnoma keladi. Bildirishnoma telefonda quyidagi ko'rinishda bo'ladi:

"Savolni ko'rish uchun "Savolga o'tish" tugmasini bossangiz kifoya. Agar biror bildirishnomani o'tkazib yuborsangiz, o'tgan bildirshnomalarni saytning foydalanuvchi menyusidagi Xabarlar > Bildirishnomalar sahifasi orqali ko'rishingiz mumkin.

Android ilova

Mobil ilovalarning qulayliklari ko'p, biz ham yuridik.uzning android ilovasini ishga tushirdik. Ilovani Play Marketdan yuklab olishingiz mumkin. Playmarketdan "yuridik.uz" deb qidiring yoki ushbu havol ustiga bosing.

Har doimgidek biror muammoga duch kelsangiz, biz yordamga tayyormiz. Telegramda @yuridikuzbot orqali yoki support@yuridik.uz pochtasi orqali bog'laning.

Юридик ариза нима?

Ариза (юридик ариза - legal lead) - бу потенциал мижознинг алоқа маълумотлари билан бирга уни қийнаётган ҳуқуқий савол ёки муаммо. Аризани сотиб олиб, шу мижозга ўз хизматингизни таклиф қилишингиз мумкин. Аризани порталда рўйхатдан ўтган ва олий юридик маълумоти тасдиқланган ҳар қандай юрист сотиб олиши мумкин.

Нима учун аризани сотиб олиш керак?

Ҳар қандай бизнесда асосий муаммо - мижоз топиш. Юридик хизмат ҳам мустасно эмас. Корхона, адвокатура очиш муаммо эмас. Аммо муваффақиятли фаолият кўрсатиш учун доимий мижозлар оқими керак. Реклама орқали қанча мижоз сизга мурожаат қилиши мавҳум (реклама бутунлай самарасиз бўлиши ҳам мумкин), юридик ариза эса сизга ортиқча харажат қилмасдан тайёр мижоз ҳақида маълумотни тақдим этади. Ҳар бир ариза - сизнинг пуллик хизматингиздан фойдаланиши мумкин бўлган потенциал мижоздир. Қанча кўп ариза сотиб олсангиз кўпроқ мижозларни жалб қилиш эҳтимоли шунчалик юқори бўлади. Сотиб олинган ариза фақат сизда мавжуд бўлади. Бошқа юрист/адвокат бу аризани олаолмайди.

Ариза мижоз буюртма беришини кафолатлайдими?

Ҳар бир ҳолатга аниқ фикр билдираолмаймиз. Мижознинг пуллик шартнома тузиш эҳтимоллиги - 30-35%. Мижознинг шартнома тузиши Сизга ёки мижоз билан гаплашадиган ходимингизга боғлиқ. Телефонда қанчалик сифатли тушунтириш берилса эҳтимоллик шунча юқори бўлади.

Мижоз билан қандай ишлаш керак?

Саволни ўқиб чиқасиз, Савол мазмунига кўра, Мижозга адвокат керак ёки керакмаслигини ўз тажрибангиздан келиб чиқиб аниқлайсиз.

Аризани олганингиздан сўнг, мижозга имкон қадар тезроқ қўнғироқ қилинг. Акс ҳолда мижоз кутмайди, бошқа компанияга сўров юбориши мумкин.

Қайта қўнғироқ қилганингизда, мижозга унинг муаммоси бўйича қисқача дастлабки маслаҳат беришингиз керак. Консултация шундай ўтказилиши керакки, мижозда пуллик хизматлар (тўлиқ консултация, ҳужжатларни тайёрлаш ва ҳ.к.) учун сиз билан боғланиш истаги пайдо бўлсин ва сизнинг офисингизга келсин.

Бошқача қилиб айтганда, сиз "тайёр мижоз" оласиз, аммо уни "ушлаб қолиш" ўзингизга боғлиқ. Дастабки бепул маслаҳат қанчалик сифатли кўрсатилса, бу мижозни пуллик юридик хизматларни сотиб олишга ундайди.

Кўрсатмалар:

"Бош саҳифа > Аризалар" саҳифаси орқали мос келадиган аризалар топиш мумкин:

1. Ҳудуд бўйича филтр
2. Соҳалар бўйича филтр
3. Аввал сотиб олинган аризалар
4. Ҳудуд ва соҳаси сизга мос тушадиган аризалар
5. Аризани сотиб олиш

Бирор ҳолат тушунарсиз бўлса, ҳар қандай таклиф, эътирозларингиз бўлса ёки шунчаки "Салом, ишлар қалай?" демоқчи бўлсангиз телеграмдаги https://t.me/yuridikuzbot ёки support@yuridik.uz орқали боғланишингиз мумкин.

Ҳамкорлигингиз учун раҳмат!

1. Сайтнинг юқори ўнг бурчагида жойлашган "Кириш / Рўйхатдан ўтиш" ҳаволани босинг:

2. Шундан сўнг ягона кириш ва рўйхатдан ўтиш саҳифаси очилади. Бу ерда рақамингизни киритинг. Рақам худди қуйидаги форматда киритилиши керак. Рақамни киритгач, "Давом этиш" тугмасини босинг. Сўнг тизим ушбу рақам аввал сайтда рўйхатдан ўтган ёки ўтмаганини текширади. Агар аввал рўйхатдан ўтмаган бўлсангиз "Рўйхатдан ўтиш" саҳифасини очади. Аксинча бўлса (аввал рўйхатдан ўтган бўлсангиз) "Кириш" саҳифаси очилади:

Агар сиз аввал рўйхатдан ўтган бўлсангиз, аммо паролни унутган ёки билмасангиз исталган вақтда "Паролни унутдингизми?" ҳаволасини босиб янги парол ўрнатишингиз мумкин

3. Рўйхатдан ўтиш саҳифасида сўралган маълумотларни тўлдиринг.

Барча бўлимларни тўлдириб бўлгач, "Давом этиш" тугмасини босинг.

4. Кейинги саҳифада олий юридик маълумотингизни тасдиқлаш учун саволлар сўралади. Уларни тўлдиринг

5. Юқоридаги маълумотларни тўлдириб, "Давом этиш"ни босгандан сўнг телефонингизга тасдиқлаш учун код юқорилади. Ана шу кодни ҳосил бўлган саҳифада киритинг ва яна "Давом этиш" тугмасини босинг.

6. Янги парол ўрнатинг. Паролни тўғри киритганингизга ишонч ҳосил қилиш 2 марта киритишингиз керак.

Табриклаймиз, сиз юрист сифатида рўйхатдан ўтишни якунладингиз. Аммо ҳали сизда консулатция бериш, каталогда кўриниш имкониятлари мавжуд эмас. Бунинг учун қўшимча маълумотларни тўлдиришингиз керак.

7. Дастлаб "Умумий маълумотлар"ни тўлдиринг. Умумий маълумотлар расм, қисқа маълумотнома, хизмат телефонингиз, ишхонангиз манзили каби малумотларни англатади. Агар юқоридаги қадамларни тўғри бажарган бўлсангиз сайтнинг юқори ўнг бурчагида исмингиз акс этган меню мавжуд, ана шу ердан "Менинг профилим"ни танланг.

Сўнг турли бўлимлардан иборат "Менинг профилим" саҳифаси пайдо бўлади.

8. Дастлаб "умумий маълумотлар"ни тўлдирамиз, бунинг учун бўлим номининг ўнг томонида жойлашган "Таҳрирлаш" тугмасини босинг.

Сўралган барча маълумотларни тўлдиринг. Қуйидаги 1-рақами белгиланган жойда расмингизни юклайсиз. Барча маълумотлар тўлдирилгач, "Сақлаш" тугмасини босинг.

Фотосуръат қуйидаги талабларга жавоб бериши керак:

• суръатда якка ўзингиз бўлишингиз (бошқа одамлар, ҳайвонлар, турли буюмларсиз);
• юзингиз аниқ акс этган бўлиши;
• расмий услубга хослик;
• қуёш нуридан сақловчи кўзойнаклар таъқиқланади;
• яхши сифатли бўлиши

Намунавий тўлдирилган саҳифа:

9. Кейинги қадам Таълим ва адвокатлик лицензияси билан боғлиқ маълумотларни тўлдириш. Yuridik.uz'да юрист сифатида фаолият кўрсатиш учун фақат олий юридик маълумот етарли, аммо адвокатлик учун ҳам олий юридик маълумот ҳам адвокатлик лицензиясининг мавжудлиги талаб қилинади. Таълим ва лицензия маълумотларини тўлдириш учун бўлимнинг "Таҳрирлаш" тугмасини босинг.

Ҳосил бўлган саҳифага диплом ва лицезнияни юклашингиз керак(агар бўлса). Диплом ва лицензия расм ёки пдф шаклида юкланиши мумкин.

Барчасини тўлдириб, "сақлаш"ни босгандан сўнг, юкланган диплом ва лицензия олдида соат белгиси кўринади. Бу ҳужжатлар тасдиқлаш учун юборилганини англатади.

Шундан сўнг бошқа бўлимлар: "Хизматлар", "Иш тажрибаси"ни юқоридагиларга қиёсан тўлдиринг. Унутманг, маълумотларингизни қанча батафсил тўлдирсангиз, қидирув тизими ва рейтингда олдингиз рўйхатда кўринасиз.

Барча маълумотларни тўлдирганингиздан сўнг, сайт маъмурияти кўриб чиқиб, ҳисобингизни фаоллаштиради. Ўртача 24 соат ичида маълумотлар кўриб чиқилади. Агар бирор хатолик мавжуд бўлса, сайт ходимларидан бири рўйхатдан ўтган рақамингиз орқали боғланади. Ҳисобингиз тасдиқлангач, барчаси тўғри ишлаётганига ишонч ҳосил қилиш учун бирор саволга жавоб беринг.

Агар саволларингиз бўлса ёки бирор муаммога дуч келсангиз support@yuridik.uz эмаилига ёки телеграмдаги @yuridikuzbot аккаунтига ёзишингиз мумкин.

Yuridik.uzda maqola chop etishning afzalliklari:

• Har bir maqola ostida muallif ko'rsatilgan bo'lib, maqolani o'qigan foydalanuvchi sizning profilingziga tashrif buyurishi ehtimolligi katta;
• Maqolalaringiz sahifangizda yig'ilib boradi, har bir tashrif buyuruvchi osongina barcha maqolalaringizni ko'rishi mumkin;
• Fikringizni ko'proq auditoriyaga yetkazish imkoniyati (yuridik.uz ko'proq mijozlarga yetib borishi uchun reklama, SEO masalalarini hal qiladi).

Maqolalarga qo'yiladigan talablar

Yuridik.uzda chop etiladigan maqola quyidagi talablarga mos bo'lishi kerak:

• Maqola o'zbek yoki rus tilida bo'lishi;
• imlo va grammatik xatolarsiz bo'lishi;
• ommabop, keng aholi uchun mo'ljallangan bo'lishi;
• yangilik yoki xabarlar bo'lmasligi (yuridik.uz yangiliklar sayti emas, balki doim foydali bo'ladigan huquqiy ma'lumotlar uchun platforma)

Maqola qanday qo'shiladi?

Yangi maqola qo'shish uchun saytning yuqori o'ng burchagidagi ismingiz ustiga bosib, menyuni ochasiz:

Menu > Maqolalar > Yangi maqola

Maqolalar sahifasida barcha avvalgi maqolalaringizni ham ko'rishingiz mumkin.

Yangi maqola qo'shish uchun "Yangi maqola" tugmasini bosing. Shundan so'ng yangi maqola kiritish sahifasi paydo bo'ladi.

1. Maqolaning mavzusi. Imkon qadar maqolani qamrab oladigan mavzu bo'lishiga harakat qiling. Masalan, "O'zbekiston fuqaroligini olish shartlari"
2. Maqolaning qaysi huquq sohasiga oid ekanligini tanlang
3. Rasm tanlang. Ushbu rasm maqolalar ro'yxatida ko'rsatiladi
4. Tilni tanlang. Hozircha o'zbek yoki rus tillarida yozilgan maqolalargina qabul qilinadi
5. Tegishli tegni belgilang. Agar maqolaga oid teg mavjud bo'lmasa yangi qo'shishingiz mumkin. Teglar maqolalarni saralash uchun ishlatiladi
6. Maqola uchun muqaddima. Qisqaroq shklda maqola uchun muqaddima yozing, muqaddimani o'qigan o'quvchi mavzuni nima haqilagini to'la anglashi kerak.

Shundan so'ng maqolaning bo'limlarini kiritasiz. Har bir bo'lim, sarlavha va asosiy matndan iborat bo'ladi. Sarlavha imkon qadar qisqa bo'lsin, chunki har bir sarlavha maqolaning mundarijasini shakllantiradi.

Maqolaga istagancha bo'lim qo'shishingiz mumkin. Buning uchun "Yangi bo'lim qo'shish" (Добавить новую главу) tugmasini bosasiz.

Barcha bo'limlarni qo'shib bo'lgach "Saqlash va yuborish" tugmasini bosing, shundan so'ng maqolangiz sayt moderatorlariga ko'rib chiqish uchun yuboriladi. Odatda maqolalar 1-2 ish kuni ichida ko'rib chiqiladi.

Maqolalar 3 xil statusda bo'lishi mumkin:

Namunaviy maqolalar

Quyidagi maqolalardan namuna sifatida foydalanishingiz mumkin:

• https://yuridik.uz/blogs/38
• https://yuridik.uz/blogs/10
• https://yuridik.uz/blogs/1
• https://yuridik.uz/blogs/17

Agar savollaringiz bo'lsa yoki biror muammoga duch kelsangiz support@yuridik.uz emailiga yoki telegramdagi @yuridikuzbot yoki @khamidulla akkauntiga yozishingiz ham mumkin.

Saytimizni barcha foydalanuvchilar uchun qulay qilish maqsadida bir qancha o'zgarishlarni amalga oshirdik.

Asosiy yangilanishlar:

1. To'lovlar tarixi. Endilikda pulli xizmatlar uchun to'lovlar tarixini ko'rishingiz mumkin. Bu hisobingizdagi pul nimalarga sarflanganligini bilishda qo'l keladi;
2. Plastik karta orqali to'lov. Ko'pchilik foydalanuvchilar tomonidan pulli savollar uchun to'lov to'lash jarayonida muammolar kuzatilganligi sababli to'lov tizimini qayta ishlab chiqdik. Bundan buyon O'zbekiston Respublikasida foydalanishda bo'lgan barcha turdagi plastik kartalar bilan to'lov to'lashingiz mumkin;
3. Savollarga qo'shimcha kiritish. Savolga advokatning javobidan keyin sizda yana savol paydo bo'lsa yoki savol berib bo'lgach yana nimadir qo'shmoqchi bo'lsangiz, endi savollarga qo'shimcha qo'shishingiz mumkin. Buning uchun savol sahifasidagi "Qo'shimcha" tugmasini bossangiz kifoya;
4. Baholash. Ko'rsatilgan xizmatni baholash tizimini optimallashtirdik, endilikda siz advokatning har bir javobiga "like/dislike" tugmalari orqali munosabatingizni bildirishingiz, savolga javob olganingizdan so'ng xizmatni baholashingiz mumkin;
5. Advokatlik xizmati uchun buyurtma. Advokatning javobidan so'ng sizda advokat xizmatidan foydalanish fikri paydo bo'lsa savolni baholash jarayonida "Advokat kerakmi?" savoliga "Ha" deb javob bersangiz kifoya. Mutaxassislarimiz sizga qisqa vaqt ichida bog'lanadilar.

Bundan tashqari, oxirgi o'zgarishlarni hisobga olib, tez kunda Android telefonlar uchun ilovamizning yangi versiyasi, IOS (iPhone) tizimidagi telefonlar uchun yangi ilovamiz ham e'lon qilinadi.

Savol va takliflaringiz bormi? Sizning fikringiz biz uchun juda muhim. Biz bilan quyidagi vositalar orqali bog'lanishingiz mumkin:

Email: support@yuridik.uz
Telegram: @yuridikuzbot
Telefon: +998998373777

Yuridik.uz - Sizning advokatingiz! Har bir qarorni mutaxassis maslahati bilan amalga oshiring. Bugungi yuridik konsulatsiya kelajakdagi katta miqdordagi zarardan saqlab qolishi mumkin.

1-bob. Umummiy qoidalar

1. Yuridik.uz portalida ro‘yxatdan o‘tgan huquqshunoslar – yuristlar faoliyatini baholash va rag‘batlantirish mezonlari (keyingi o‘rinlarda – mezonlar) yuridik.uz huquqiy xizmat ko‘rsatish portalida (keyingi o‘rinlarda - portal) huquqshunos sifatida ro‘yxatdan o‘tgan foydalanuvchilar (keyingi o‘rinlarda – huquqshunoslar)ning faoliyatini baholash hamda ularni baholash natijalari asosida rag‘batlantirish tartibini belgilaydi.
2. Huquqshunoslarning faoliyatini baholash portalga kelib tushgan bepul savollarga qanchalik tez va to‘liq javob berganlik, shuningdek savol beruvchilarning minnatdorchilik bildirganlik darajasiga asoslangan holda o‘tkaziladi.

2-bob. Baholashni o‘tkazish

3. Baholash tegishli oy yakuni bo‘yicha quyidagi ko‘rsatkichlar asosida o‘tkaziladi:

• javob berilgan savollar soni;
• savollarga javob berilgan muddat. Bunda portalga savol kelib tushgach 3 ta: 6 saotgacha, 12 soatgacha va 12 soatdan keyingi bo‘lgan muddatlar belgilanadi;
• javobni normativ hujjat asosida asoslantirilganligi;
• savol beruvchilar tomonidan bildirilgan minnatdorchiliklar.

4. Ushbu ko‘rsatkichlar bo‘yicha huquqshunoslar faoliyati portaldan olingan ma’lumotlar asosida quyidagicha baholanadi:

5. Huquqshunoslar faoliyati yuqorida keltirilgan baholash ballarining umumiy yig‘indisi asosida baholanadi va eng yuqori ball olgan uch nafar huquqshunoslar rag‘batlantiriladi.

6. Ballar quyidagi jadvalga qo‘yilib hisoblab chiqiladi:

Jadval onlayn tarzda quyidagi sahifada yangilab boriladi => http://bit.ly/yuridikuztanlov

3-bob. Rag‘batlantirish tartibi

7. Baholash natijalariga ko‘ra eng yuqori ball olgan uch nafar huquqshunoslar tegishli oy bo‘yicha g‘olib deb topiladi va O'zbekiston Respublikasida o'rnatilgan Bazaviy hisoblash miqdorining 2,25 baravari miqdoridagi mukofotni ular olgan ballariga mutanosib taqsimlagan holda mukofotlanadilar.
Masalan, eng yuqori bal olgan 3 huquqshunosdan birining bali 100 ball, ikkinchisiniki 200, uchunchisiniki 300 ball deylik. Bunda 1 o'rin sohibi umumiy mukofotning 3/6 qismini, 2 o'rin sohibi 2/6 qismini, 3 o'rin sohibi 1/6 qismini qo'lga kiratadi.

8. Pul mukofoti g‘olib tomonidan ko‘rsatilgan hisob raqamga o‘tkazib beriladi.

4-bob. Yakuniy qoidalar

9. Mazkur mezonlar huquqshunos uchun u portalda ro‘yxatdan o‘tgan va Foydalanish shartlari bilan tanishgan vaqtdan etiboran kuchga kiradi.

10. Keyinchalik baholash va rag‘batlantirish mezonlari va tartibi o‘zgartirib borilishi mumkin. Bu haqda foydalanuvchilar portal va boshqa tarmoqlar orqali ogohlantiriladi.

11. yuridik.uz ("Legal Innovations Centre" MChJ) xodimlari tanlovda ishtirok etmaydi. Ularning javoblari tanlovda ball hisoblash jarayonida inobatga olinmaydi

Vaqt o'tib o'ylanmasdan qilgan qarorimiz qimmatga tushmasligi uchun har bir masalani mutaxassis bilan maslahatlashish muhim. Ammo ...

• har doim advokatni qayerdan topamiz?
• bir advokat barcha savollarga javob beraolmasligi mumkin!
• advokat xizmati juda qimmat.
• har doim advokat ofisiga borishga vaqt yo'q

Ushbu muammolarni hal qilish uchun Yuridik.uz - onlayn yuridik xizmatlar platformasini ishga tushirdik.

Yuridik.uz - Sizga uyingizni tark etmasdan turib, ma’lum holat yuzasidan bir qancha huquqshunoslarning fikri va maslahatini olish, yuridik xizmatlardan onlayn foydalanish imkoniyatini taqdim etadi.

Bu SIZNING SHAXSIY ADVOKATINGIZ!

Nega aynan yuridik.uzdan foydalanish kerak?

Onlayn yuridik xizmatlarni ko'rsatadigan xizmatlar soni ko'p. Har qanday kishida nega boshqalardan emas, yuridik.uzdan foydalanishim kerak degan savol bo'lishi tabiiy. Sizni aynan yuridik.uzning farqli jihatlari bilan tanishtirmoqchimiz:

1. Bir qancha advokatlar fikri

Yuridik.uz orqali savol advokatlar va yuristlarning umumiy lentasida e'lon qilinadi. Buni barcha O'zbekiston advokat va yuristlarini bir xonaga yig'ib ularning barchasiga qarata bir savol berish bilan qiyoslash mumkin.
Natijada sizda bir savol yuzasidan bir qancha mutaxassis fikrini bilasiz. Yuridik sohada bir masalaga bir qancha yechimlar bo'lishi tabiiy. Siz esa barcha ehtimoliy variantlarni bilib olasiz.

Namuna savol: https://yuridik.uz/q/5026

2. Amaliyotga asoslangan konsultatsiya

Shifokor bo'lsa-da, tish shifokori qon-tomir kasalliklarini muloaja qilaolmaydi. Yuridik sohada ham shunday. Qonunlar ko'p, bir mutaxassis hammasini o'rganib chiqishi mushkul. Qolaversa biror normativ hujjatning amaliyotida qo'llanilishini faqat tajriba orqali bilish mumkin.
Yuridik.uz orqali savol yoki telefon konsulatsiya uchun so'rov qoldirganingizda savolingiz loyihada ishtirok etayotgan yurist va advokatlarning barchasiga ko'rinadi.
Natijada esa faqat shu vaziyat bo'yicha amaliy tajribaga ega kishidan javob beriladi.

☝️ Boshqa ko'p loyihalar singari yuridik.uzda faqat 3-4 yurist hamma savollarga javob bermaydi.

Qolaversa beriladigan javoblarda mutaxassislarimiz faqatgina normativ hujjatda nima yozilganligini aytish bilan cheklanmaydi, balki amaliy tavsiya ham beradi.

Namuna: https://yuridik.uz/q/5376

3. Advokat yollash imkoniyati

Savolingizga dastlabki javobni olgach, siz vaziyat yuzasidan advokat yordamiga ehtiyoj bor deb o'ylasangiz, shu yerning o'zida advokat yollashga buyurtma qoldirishingiz mumkin. Bunda sizga 2 yo'lni taklif qilamiz:

• Ko'rsatilgan xizmatni "baholash" tugmasini bosing va baholash jarayoni "Sizga advokat kerakmi?" savoliga "Ha"ni belgilang. Biz sizning vaziyatingiz uchun eng optimal advokatni topib, sizga bog'lanamiz.
• O'zingiz Advokatlar katalogi orqali turli o'zingizning vaziyatingizga mos filtrlardan foydalanib biror advokatni tanlang: https://yuridik.uz/lawyers

4. Professionallar faoliyat ko'rsatadi

Yuridik.uzda mavjud har bir mutaxassis, advokatning oliy yuridik ma'lumoti, litsenziyasi, ish tajribasi tekshirilgan. Siz ortiqcha shubhalarsiz saytdagi ma'lumotlarga ishonishingiz mumkin.

☝️ Boshqa ko'p loyihalardan farqi tarzda yuridik.uzda faqat oliy ma'lumoti tasdiqlangan huquqshunoslargagina ishlashga ruxsat beriladi.

Bundan tashqari ma'lumotlar doimiy tekshirib turiladi, biror salbiy harakat qayd qilinganda mutaxassis bilan hamkorlik bekor qilinishi ko'rib chiqiladi.

5.

Yuridik.uz - мижозлар ва адвокатларга юридик хизматларни онлайн кўрсатиш имкониятини бертадиган платформа. Биз 3 йил давомида 3 марта wебсайтимизни қайтадан ишлаб чиқдик, хатолардан ўргандек, сўровномалар ўтказдик, синаб кўрдик: юзлаб савол-жавоблар, тўловлар, минглаб фойдаланувчилар ... - ва ҳали ҳам фаолиятимизни такомиллаштириш устида ишлаяпмиз.

Адвокатлар учун қандай имкониятлар бор?

1. Пулли саволларга жавоб бериш

Пулли саволларга жавоб берганингизда мижоз томонидан тўланган пулнинг 70% адвокат(ларга) гонорар сифатида берилади. Шунингдек, савол эгаси сизга мижоз сифатида мурожаат қилиш эҳтимоллигини оширади

2. Бепул саволларга жавоб бериш орқали тажриба тўплаш, репутацияни ошириш

Барча саволлар туридан қатъи назар мижоз томонидан баҳоланади. Саволларга жавоб бериш орқали ўзингизни кўрпоқ мижозларга танитасиз. Бундан ташқари мижоз саҳифангизда фикр қолдириши мумкин. Бу фикр эса саҳифангиз ташриф буюрувчиларида сизга нисбатан ижобий таассурот қолдиради.

3. Телефон консултация

Ўзингиз биладаигн масала юзасидан мижозларга телефонда 15, 30 ёки 60 дақиқа давомида консулатсия бериб, қўшимча даромад олишингиз мумкин.

4. Ҳужжатлар тайёрлаш

Мижозлар томонидан юридик ҳужжат тайёрлаш бўйича тендерда қатнашиб, ҳужжат тайёрлаш орқали қўшимча даромад ишлаш мумкин.

5. Оммавий саҳифа орқали жамоатчиликка танитиш *

Ҳар адвокат учун алоҳида оммавий саҳифа яратилган бўлиб, бу саҳифада адвокатлик фаолиятига алоқадор барча маълумотлар жамланган (манзил, таълим, расмий адвокат белгиси, мижозлар фикрлари, қилинган ишлар, жавоб берилган саволлар ва ҳкз). Бундай саҳифанинг мавжуд бўлиши сизни шахсий сайт тайёрлаш муаммосидан қутқаради. Шунингдек, реклама қилиш, саҳифани оммалаштириш ҳам бизнинг зиммамизда. Саҳифа визиткада қўшиш учун ҳам жуда қулай. Масалан, ҳттпс://юридик.уз/шерматов

6. Премиум аъзолик *

Юридик.узга юрист/адвокат премиум аъзо бўлиш орқали қўшимча афзалликларга эга бўлиш мумкин. (Савол берган мижоз алоқа маълумотлари, саҳифани кўпроқ кўрсатиш, мижозлар оқими ва ҳкз)

7. Офлайн мижоз жалб қилиш хизматлари

Фақат адвокатлар учун махсус хизмат. Юридик.уз билан сайт фаолиятидан ташқари шартнома имзолаш орқали ўзингиз тажрибали бўлган йўналишда мижозлар топишингиз мумкин. Хизмат пулли.

8. Чат орқали шахсий консултация *

Мижозлар сизга чат орқали боғланишлари мумкин. Чатда "Ҳужжат таййролаб бериш" ёки "Консултация" хизматини пулли шаклда кўрсатишингиз мумкин.

9. Мижоз алоқа маълумотларини олиш *

Бирор савол эгасига ўзингизнинг адвокатлик хизматларингизни тақдим этмоқчи бўлсангиз, мижознинг рақамини олишингиз мумкин. Хизмат пулли.

10. Офлайн хизматлар *

Фақат адвокатлар учун махсус хизмат. Агар шахсий консултасия натижасида офлайн хизматга эҳтиёж бўлса (судда иштирок этиш, вакиллик қилиш) Сиз чатда мижозга "Контактларни узатиш" тугмаси ёрдамида боғланиш маълумотларингизни беришингиз мумкин. Агар мижоз охир-оқибат сизнинг маълумотингизга кўра хизмат учун ҳақ тўласа, сиз хизмат учун комиссия тўлашингиз керак бўлади. Ушбу хизмат учун комиссия тўлови адвокатлик тузилмаси ва Юридик.уз ўртасида тузиладиган қўшимча шартнома билан белгиланади.

11. Юридик ёрдам йўналишида мақолалар чоп этиш

Муҳим мавзуда мақола чоп этиш орқали шу мақолани ўқиган мижоз мақола муаллифи бўлган адвокат хизматидан фойдаланиш эҳтимолиги юқори. Ҳар бир мақолада муаллиф номи тўлиқ сақланади. Муаллиф номида адвокат саҳифасига олиб борувчи махсус ҳавола қўйилади. (қайси мақолани чоп этиш ёки этмаслик юзасидан Юридик.уз таҳририяти изоҳсиз мустақил қарор қабул қилинади. Таҳририят чоп этиш рад этилганлиги сабабини айтиш мажбуриятини олмайди)

Бирор ҳолат тушунарсиз бўлса, ҳар қандай таклиф, эътирозларингиз бўлса ёки шунчаки "Салом, ишлар қалай?" демоқчи бўлсангиз телеграмдаги https://t.me/yuridikuzbot ёки support@yuridik.uz орқали боғланишингиз мумкин.

Ҳамкорлигингиз учун раҳмат!